កម្ពុជា ប្រកាសត្បាញក្រមាវែងជាងគេ ដើម្បីបំបែកឯតទគ្គកម្មពិភពលោក

13/01/2018
Source : THMEYTHMEY

ភ្នំពេញ៖ ក្រុមការងារ GoGo Cambodia ធ្វើយុទ្ធនាការបំបែកឯតទគ្គកម្ម ក្រមាខ្មែរ ដែលវែងជាងគេលើពិភពលោក ដោយបានសម្ពោធជាផ្លូវការ នាល្ងាចថ្ងៃទី១២ ខែមករា ឆ្នាំ២០១៨។ យុទ្ធនាការនេះ នឹងក្លាយជាមោទនភាពថ្មីសម្រាប់កម្ពុជា ដែលលើកកម្ពស់កិត្យានុភាពជាតិខ្មែរ នៅលើឆាកអន្តរជាតិ។

យុទ្ធនាការក្រមា៖ «បំបែកឯតទគ្គកម្ម ក្រមាវែងជាងគេលើពិភពលោក» នឹងចាប់ផ្ដើមជាមួយនឹង «ពិធីបើកត្បាញសរសៃដំបូង» នៅថ្ងៃទី ១៤ កុម្ភៈខាងមុខនេះ នាព្រះមេរុ រាជធានីភ្នំពេញ។ ការចាប់ផ្ដើម ការត្បាញក្រមានេះ នឹងបើកជាសាធារណៈ ដល់បងប្អូនប្រជាពលរដ្ឋខ្មែរ ដោយមិនប្រកាន់និន្នាការ។ ក្នុងកម្មវិធីនោះ មានការតាំងពិព័រណ៍បង្ហាញពីរបៀបនៃការត្បាញដោយអ្នកតម្បាញជំនាញនៅទីតាំងនោះផងដែរ។

យុទ្ធនាការនេះ ធ្វើឡើងក្នុងគោលបំណង លើកកម្ពស់មោទនភាពជាតិ តាមរយៈស្នាដៃមួយដែលមានការទទួលស្គាល់ជាអន្តរជាតិ និងការបង្កបរិយាកាសចូលរួមចំណែកពីប្រជាពលរដ្ឋ ដើម្បីរួមគ្នាថែរក្សា និងលើកស្ទួយ មរតកវប្បធម៌ខ្មែរ។

សូមអញ្ជើញទស្សនារូបភាពខ្លះនៃពិធីសម្ពោធយុទ្ធនាការក្រមា៖ «បំបែកឯតទគ្គកម្ម ក្រមាវែងជាងគេលើពិភពលោក» ដូចខាងតទៅ៖