GoGo Cambodia ធ្វើយុទ្ធនាការបំបែកឯតទគ្គកម្មក្រមាវែងជាងគេលើពិភពលោក

GoGo Cambodia ធ្វើយុទ្ធនាការបំបែកឯតទគ្គកម្មក្រមាវែងជាងគេលើពិភពលោក

13/01/2018
ប្រភព : THMEYTHMEY

ក្រុមការងារ GoGo Cambodia ធ្វើយុទ្ធនាការបំបែកឯតទគ្គកម្ម ក្រមាខ្មែរ ដែលមានប្រវែងវែងជាងគេលើពិភពលោក ដោយបានសម្ពោធជាផ្លូវការ នាល្ងាចថ្ងៃទី១២ មករា ២០១៨។

ដោយមានគោលបំណងលើកកម្ពស់មោទនភាពជាតិ និងដើម្បីបង្កើតឱកាសឱ្យប្រជាពលរដ្ឋខ្មែរទាំងអស់រួមគ្នាថែរក្សា លើកស្ទួយ មរតកវប្បធម៌ប្រពៃណីខ្មែរ ជំរុញសាមគ្គីភាព និងឯកភាពជាតិ ទើបបានជាក្រុមការងារ GoGo Cambodia រៀបចំយុទ្ធនាការនេះឡើង។

យុទ្ធនាការក្រមានេះ នឹងធ្វើពិធីបើកត្បាញសរសៃដំបូង នៅថ្ងៃទី១៤ខែកុម្ភៈ ឆ្នាំ២០១៨ នៅទីតាំង វាលព្រះមេរុ។ ការត្បាញក្រមាវែងជាងគេលើពិភពលោកនេះ នឹងបើកឱ្យសាធារណជនទូទៅ ចូលរួមត្បាញដោយផ្ទាល់ដៃ។ ដើម្បីសម្រួលដល់ការត្បាញ ក្រុមការងារផ្នែកបច្ចេកទេស នឹងរៀបចំពិព័រណ៍បង្ហាញពីរបៀបនៃការត្បាញ ដោយអ្នកតម្បាញជំនាញនៅទីតាំងកម្មវិធីផ្ទាល់តែម្ដង។

សូមបញ្ជាក់ថា GoGo Cambodia គឺជាចលនាថ្នាក់ជាតិមួយ ដែលកើតចេញពីឆន្ទៈកូនខ្មែរ ធ្វើឡើងក្នុងគោលបំណងលើកតម្កើងមោទនភាពជាតិ បង្ហាញពីសក្តានុពលរបស់កម្ពុជានៅគ្រប់វិស័យ និងជាវេទិកាសម្រាប់យុវជនខ្មែរគ្រប់រូប អាចបង្ហាញនូវមោទនភាពរបស់ខ្លួន ក្នុងនាមជាកូនខ្មែរ ទៅដល់សហគមន៍អន្តរជាតិ៕

ព័ត៌មានទាក់ទង

កម្ពុជានឹងបំបែកកំណត់ត្រាថ្មីមួយ...

កម្ពុជា នឹងបំបែកឯតទគ្គកម្ម ក្រមាវែងជា...

កម្ពុជា ប្រកាសត្បាញក្រមាវែងជាងគេ ...

លោក សាន វឌ្ឍនា៖ GoGoCambodia បង្កើតច...

យុទ្ធនាការត្រូវបានចាប់ផ្ដើមដើម្បីបង្ហ...

GoGo Cambodia បង្ហាញពីមោទនភាពរបស់ខ្លួ...

ក្រមាគឺជាសំពត់ដែលមានភាពសាមញ្ញតែបង្កប់ន័យយ៉ាងជ្រាលជ្រៅអំពីតម្លៃ ខ្លឹមសារនៃអត្តសញ្ញាណជាតិ។

ទំនាក់ទំនងកម្មវិធី

តំណភ្ជាប់

បណ្តាញសង្គម

នាំមកជូនដោយ:

ចំនួនអ្នកទស្សនា: